Prosjekter
Prosjekt:
Stord Rotary Klubb har arbeidd med og støtta følgjande prosjekt økonomisk:
Hauglandskvedno
Hauglandskvedno står under Stokklifossen og er omlag 300 år gamal. Hauglandskvedno er den einaste kvedno på Stord som står på sin opphavelege stad.
Den vart brukt under siste verdskrigen 1940 - 45. Soga fortel at inga kvern mol betre mjøl til bakst enn Hauglandskvedno.
Kvedno var til nedfalls, men i godt samarbeid med eigaren Johannes T. Haugland og museumstyrar Meyer Eldøy, tok Stord RotaryKlubb på seg å reisa oppatt dette kulturminnet.
I juni 1974 kunne kvedno takast i bruk att. Stord Rotaryklubb sine medlemer hadde då lagt ned 700 dugnadstimar på vølingsarbeidet.
Ei stor takk til Ivar J. Helleland, Fritjolf Fossum og Meyer Eldøy for mange dugnadstimar og fram frå fint vølingsarbeid.
Stord Rotary Klubb sette i 1993 opp ein del kvilebenkar m.m. for å gjera det triveleg rundt kvedno.
Set deg på ein benk og høyr på fosseduren og "kvernkallen" sine tonar - drøym deg bort.
Sunnhordland Museum og Stord Rotary Klubb er i lag om ettersyn og vedlikehald av kvedno.
Dugnadsgjeng har ei kaffiøkt frå bygging av Gapahuken
Ferdig Gapahuk bygd i 2018, i bakgrunnen ser vi Hauglandskvedno som vi har vedlikehaldsansvar for.
Jerntilskot til barn Comalapa, Guatemala
Gjennom venskapskomitèen Stord - Comalapa har Stord Rotary Klubb engasjert seg i eit prosjekt som går ut på å gje barn og unge i Comalapa jerntilskot. Dei fleste barn og unge i området har stor jernmangel noko som går ut over skulegang og oppvekst med det som følgje ein dårleg helsetilstand og konsentrasjonsvansker.
Dette prosjektet har vist gode resultat. Klubben har samarbeid med FUNDATED (tidlegare Kirkens Nødhjelp) lokalt i Comalapa. Prinsipet i behandlinga er at vatn tilsett sitronfrukt (for å gje lav pH) vert kokt opp saman med ein jernkolbe. Jernkolben har ein spesiell legering og avgjer jern til vatnet i ei form som enkelt kan takast opp i kroppen.
Dette prosjektet vert gjennomført på skular i Comalapa, der elevane drikk eit glas vatn kvar dag med denne blandinga. Etter ein periode er det tanken at kvar familie skal få ein slik jernkolbe og følgja opp med behandlinga i heimen. Ein slik jernkolbe vil dekka heile familien sitt dagsbehov i fleire år.
Dette har spreidd seg til fleire skular i Comalapa og i andre byar i Guatemala. I dag er det ca 2.500 barn som drikk dette vatnet, og talet aukar stadig. Det gode resultatet av behandlinga gjer at stadig fleire vil vera med.
Det vil vera aktuelt i alle områder med eit plantebasert med hovudvekt på mais som fører til mangel på jern i kosten.
Det var ein norsk biokjemikar som fekk idèen til dette etter å ha lese at brunosten fekk mindre jern etter at han ikkje lenger vart kokt i jerngryte. Etter ein del forsøk kom han fram til ei blanding som gav rett mengde jern i drikkevatnet.
Dette er eit lite ressurskrevjande prosjekt som kan hjelpa mange. Stord Rotary Klubb har sponsa dette prosjektet med midlar til produksjon av jern ved eit støyperi i Sverige og utstyr til produksjon av blandinga lokalt.
Shelter Box
Klubben har kjøpt 2 Shelter Boxar
Indiaprosjektet (avslutta) Støtte 7.000 pr.år
10000 Happy Birthdays 40.000
Gåver til ulike prosjekt:
Stord og Fitjar Demensforening – støtte til ulike tiltak 20.000
Frelsesarmèen desember 2019 13.390
MARIS - Stord Kommune velferdstiltak 10.000
TV aksjonen 2019 10.000
Landåsenprosjektet – skilting om plantar, trær og biotopar i eit frilufts-
område nær Leirvik sentrum.
Prosjektet fekk støtte frå Hordaland fylkeskommune på kr. 27.000 til dekking av innkjøp av skilt, transport med mer.
Stord Rotary Klubb står for vedlikehaldet
Totalt var prosjektet budsjettert med kr. 90.000. Differansen mellom tilskot og
totale utgifter gjeld dugnadsarbeid ved ei gruppe av medlemmene. 63.000
Tilskot til Rotary International 10.000
SUtdanningsmessa for Sunnhordland er flaggskipet i Stord Rotary Klubb si verksemd. I 2025 vart messa arrangert for 33.gong. Som i tidlegare år gav inntektene frå messa grunnlaget for det omfattande prosjektarbeidet som er orientert om ovanfor. Storparten av medlemmene er engasjert i planlegging, gjennomføring og etterarbeid.
Messa vert kvart år besøkt av ca 3.500, av desse ca 2.700 elevar frå 9. og 10. klasse i ungdomsskular og vidaregåande skular
Stord Rotary Klubb sin stand
Messa vart opna av ordføraren i Fitjar Kommune Wenche Tislavold
Godt med folk
Stipendvinnar 2025 Amalie Røstbø
Utviklingsstudentar
Stord Rotary Klubb har dette året sendt ein ungdom til Florida som utvekslingsstudent. Den heldige var Svein Eldøy Sandvold. På Stord tok klubben i mot John Finnerty frå Florida. Han har gått på Stord vidaregåande skule og også deltatt i Stord vaksenopplæring si norskopplæring for utlendingar. Begge har uttrykt glede for og nytte av utvekslingsordninga.
Særleg arrangement
Møta i klubben har vore kjenneteikna av variasjon i tema og spennande og engasjerande innleiarar. Det har medverka til auka deltaking på møta.
I tillegg har klubben arrangert nokre møte med særleg spennande og aktuelt innehald og med gode formidlarar. Til desse møta har me invitert andre enn berre medlemmer.
Frank Årebrot trollbandt oss med temaet Russland og Ukraina i eit europeisk perspektiv. Einar Steensnæs tok opp temaet ”Demokrati under press” med utgangspunkt i sitt arbeid i Oslosentert for fred som Kjell Magne Bondevik leier. Det var ettertenksomme medlemmer som gjekk heim den kvelden.
Eit medlemsmøte vart lagt til Espeland fangeleir i Bergen. Denne leiren er nesten identisk i dag med korleis den var i krigsåra. Me fekk ei inspirande og tankevekkande innføring i det som skjedde der.
Sommarturen vart ei nostalgisk reise med DS Stord I i Sunnhordlandsbassenget. Det er mange frå Sunnhordland som kjenner båten frå han var i ordinær rutefart og mange som har vore med og bygd opp båten som veteranskip to gonger.
Presidentskiftet vart lagt til Skakkesenteret i Etne, avtroppande president si heimbygd.